Thursday, November 30, 2006
Pssst... Hoy... (Duro!)
Wala na akong mukhang ihaharap pagkatapos ng mga nangyari kahapon. P'wedeng mamatay na lang? Wala na akong kahihiyan, puri, dignidad, at kung ano-ano pang mga bagay!
First Kahihiyan: Ito kinayakaya ko pa.
Late na ako for my OrCom155 class kahapon. Mga 20 minutes lang naman ako late. In fainrness, nakasabay ko pa si Reg sa bus. Pagpasok ko sa room parang dedma lang si prof Sumalapao... ay si Gonzaga pala.
Second Kahihiyan: Ito halos natunaw na 'ko!
Sige na, late na nga ako, pero nagawa ko pa rin makipagdaldalan sa klase. Masama bang magtanong sa mga classmate mo? Sa tingin ko hindi, pero nagalit pa rin 'yung prof ko. Dito na nangyasi y'ung Pssst... Hoy... Duro incident. Sinitsitan niya ako... Tinawag pang hoy... Tapos dinuro... Pwede naman y'ung dalawang nauna eh; bakit kailangan pang manduro? Sige na, nakikipagdaldalan na ako. Masama na akong bata. Pero bakit y'ung ibang mga tao, 'pag maingay, hindi niya naman sinisitsitan, tinatawag ng Hoy, at dinuduro. Bakit ako lang? Pagkatapos n'un ang nasabi ko na lang, pwedeng matunaw? Pwede ba? Ok lang?
Third kahihiyan: Pride kept me going... and going... and going...
143! Ito na yung ultimate kahihiyang dinanas ko for the day. Dito ko na talagang ginustong kitlin na lang ang aking buhay, pigilan ang aking hininga, laslasin ang aking pulso, tumalon sa building, dukutin ang aking eyeballs, hilahin ang aking dila, balatan ang sarili ko ng buhay, in short: mamatay! Talagang tinanggap ko nang papahiyain ko yung sarili ko nung tinanggap kong ako yung gagawa ng mga bagay na ginawa ko. Pero pride kept me going, and going. Pero dumating din sa point na naubos yung pride ko, at sobrang napahiya na talaga ako.
Third Kahihiyan.1
Kumanta ng sing a song version ni vic at jose. Kinareer ko na talaga 'to. Pero naman, ang sintunado na talaga! May background music pa kami, pero hindi naman namin nasabayan. Kamusta naman 'yon?
Third Kahihiyan.2
Kumanta ng whatever song from high school musical.'Yung dapat na lip sync ay naging live performance. Nasira pa yung sound system namin. Dito ko na talaga naisipang kitlin na lang ang aking buhay, pigilan ang aking hininga, laslasin ang aking pulso, tumalon sa building, dukutin ang aking eyeballs, hilahin ang aking dila, balatan ang sarili ko ng buhay, in short: mamatay! Buti na lang may mga supportive akong mga friends na walang tigil sa kakahalakhak. Wow! Buti na lang. Talagang pride na lang 'to.
Napag-usapan namin ni Shane kung paano pinapatay ng ibang mga tao yung pride nila para mapakain lang y'ung mga pamilya nila. Parang ganun din ako. Nawalan dignidad dahil sa mga kahihiyang dinanas, pinatay ang pride para sa grade, at mukhang mawawala pa sa mundong ibabaw dahil wala na talaga akong mukhang maihaharap.
Pogssz
8:45 AM |
Wednesday, November 29, 2006
Hindi ako naniniwala sa luck, pero goodluck na rin...
Naku, mamaya na yung subject namin kay vaquer, at talagang halos lahat ng grupo nangangareer na!
Kung bakit ba naman nag galing-galingan ako at nagvolunteer akong aralin yung song na Breaking Free from High School Musical. (James, Bass ka ha?!) Hay naku! Pagka-taas taas naman nung kanta, at ang mga pag-iinarte nung lalaki- wala sa personality ko. So pa'no ba 'yan guys?! Good luck na lang talaga sa 'kin. Pero, sabi ni Grace, pwede naman daw na lip synch na lang... Wuhoo! Salamat naman. Kasi dudugo na yung ngala-ngala ko, pero hindi ko pa rin maaabot yung song! Dinownload ko na rin pala yung mga iba naming kailangan na background music. Sana lang mag-work sila!
Eto pa pala. Aba naman, binasa ko yung mga dati kong posts, at ang BOBO! Sobra! Alam mo 'yon? Mali-mali 'yong mga punctuation marks, ang daming grammatical & typograpical errors. Minsan nga hindi ko malaman kung may sense ba talaga yung sinasabi ko. Good luck ulit sa writing skills ko.
Bahala na. I think, this will be another long day for me. I also have to attend the rehersal today! So pa'no ba 'yan? Good luck na lang talaga sa 'kin...
Kahit hindi ako naniniwala sa luck...
Pogssz
5:30 AM |
Monday, November 27, 2006
Government Warning: Cigarette Smoking is Dangerous to Your Health
Kung titignan mo siguro y'ung baga ko, kung hindi siya kasing sama ng baga ng isang sunog baga, baka higit pa dun!Habang nasa bus ako kanina papunta sa school, napadungaw ako sa bintana at nakakita ng isang manong na naninigarilyo. Oo nga, normal lang yun. Marami naman talagang manong na naninigarilyo kang makikita 'pag tumingin ka sa bintana ng isang bus. Pero, 'tong manong na 'to, halos mamatay na sa kakaubo. Halos ilabas niya na yung lungs niya, halos sumuka na siya ng dugo, halos mamatay na siya, but he doesn't care. Tuloy pa rin sa paghithit si manong ng usok ng sigarilyo niya!
Ano bang high ang nakukuha ng mga mahilig mag-yosi? Makukuha rin ba nila 'yon pag humithit sila ng usok galing sa tambutso ng isang ten-wheeler truck? O pag humithit sila ng kili-kili ng manong na katabi nila sa bus. Siguro hindi. Kasi kung pwede 'yon, sana marami nang taong bumubuntot sa mga jeep para lang malanghap yung usok nun. O kaya, marami na ring manong ang masayang masaya dahil sinisinghot ng isang magandang dalaga na nagtatrabaho sa makati yung kili-kili niya.
Honestly, I have nothing against smokers. Eh yung tatay ko ata kasama sa Top Ten Smokers na inilabas ng Time Magazine last year. Kaso naman, para dun sa mga hindi na kaya, 'WAG NA! Yung tipong nasa list ka na ng bibisitahin ni Kamatayan this Christmas, tuloy ka pa rin. Yung tipong naka-book ka na sa manila memorial park, 'WAG NA.
At kung maninigarilyo ka naman, siguraduhin mong, papasok sa bibig mo yung usok tapos lalabas sa butas ng ilong mo. Ganun kasi ang ginagawa ng mga experts; 'yung mga hindi 'to nagagawa, nagfe-feeling lang 'yon- iyon bang nakiki-ride lang. Hindi yung pabuga-buga ka lang diyan. Kailangan, sa dalawang butas ng ilong mo lalabas yung usok! That's the way experts do it. Aba! Kung sisirain mo lang naman ang baga mo, lubusin mo na. Kung pwede nga, lunukin mo na lang yung usok, tapos, wag mo nang ilalabas forever!
Basta bahala kayo sa buhay niyo. Hindi ko na kayo papakialaman, the same way na hindi niyo ko pinapakialaman. Basta kung magbago isip niyo, at usok na ng tambutso ng mga ten-wheeler trucks ang trip niyo, sabihin niyo lang sa akin.
Pogssz
7:00 AM |
Sunday, November 26, 2006
Ok lang magmura?! Pero hindi ko gagawin yun... (for now)
"Ilayo niyo sa akin 'yang kutsilyo na 'yan, dahil baka magdilim ang paningin ko at dumanak and dugo maya-maya!" Iyan mismo ang tumatakbo sa isip ko kagabi habang naghuhugas ng plato, pagkatapos akong pagmukhaing tanga sa harap ng computer! Nagparaya na nga ako, hindi na nga ako nakisingit sa computer buong araw, pati nung sabado. Pwede kahit ngayon lang?!
Siguro nagtataka na kayo kung ano 'tong pinagsasabi ko? Sige eto na, ikukwento ko na lang...
Kagabi, bago kumain, sumingit muna ako sa kapatid ko dito sa computer. Ok lang naman siguro kasi saglit lang... Pero yung saglit na inakala ko, inabot ng halos kalahating oras. Maikli lang yun? Kalahating oras ako sa yahoomail, pero 3 mail ko pa lang ang nababasa ko!!! OO tatlo! Sa sobrang bagal ng computer namin dahil sa milyones na virus, worms, trojans, spywares, adwares, at kung ano ano pang makapagpapabagal ng computer namin, TATLO LANG ANG NABASA KONG MAIL KO! Feeling ko ang saya saya ng mga kapatid ko pag nakakadownload sila ng mga virus.
Kapatid X: Wow! bagong reformat na naman yung computer namin... ay wala pang virus?! saglit lang... magdo-download na 'ko!
... after mag download...
Kapatid X: Wow! Ayan may virus ka na! Salamat naman...
Si kapatid Y naman...
Kapatid Y: Hoy Kapatid X! Bakit ka nagdownload ng virus? Kailangan dagdagan pa yan ng worms, time bombs, spywares, at adwares! Sige, ako na bahala!
... after a while...
Kapatid Y: Wow! Ayan na! Ang bagal na ng computer natin! Happy na naman tayo niyan!Balik tayo sa kuwento ko... Sa sobrang asar ko, 'sumuko na ko! Sabi ko, "AYAW KO NA!" kaya naghugas na lang ako ng plato. Maya maya, sabi ng tatay ko, "Hoy james, eto na oh, ang bilis na ng computer!" Oo! Hinintay lang nilang maasar ako, tapos ginawa na ng kapatid ko yung hocus-pocus niya kaya bumilis na yung computer...
Hindi ba pwedeng tulungan nila ako habang nahihirapan ako dun sa harap ng computer? Hay nako! Asa pa ako! Bahala sila! Pag ako gumanti, sisiguraduhin kong wala silang magagawa para maayos 'tong computer! Sa sobrang tindi ng mga virus, worms, trojans, spywares, at adwares na ilalagay ko sa computer, ang magagawa lang nila para maayos 'to eh ---WALA! Wahahahaha! Maghintay lang sila... Pero Bad yun! Kaya pag-iisipan ko muna... Bibigyan ko sila ng second chance... More or Less...
Pogssz
1:40 PM |